احكوا "للرئيس".. المستوطنين قتلوا الولد وحرقوه..
المستوطنين قتلوا الولد وحرقوه..
و خبروه انو إخوانه ما رح ينسوه..
وطمنوه التنسيق لسا شغال..
واحنا بنفكر بالراتب و العيال..
وفش جديد..
بالضفة كل يوم شهيد..
وبغزة قصف وتشريد..
مثل كثير سنين راحوا..
ما رح يجي علينا العيد..
و انهم لقيوا المخطوفين..
ونسينا مخيم جنين..
يا "ريس"..
و المعتقلين لسا بيناموا جوعانين..
وذكروه ب اللاجئين..
اليرموك و الكرامة والي جوا فلسطين..
و اسر الشهداء و اسر الجرحى والمصابين..
مش تعكير للمزاج..
ومش تفكر احتجاج..
بس استفهام!!؟؟
هاي العالم كيف بتعيش وكيف بتنام..
يا "ريس"
احنا ما النا ولا صوت..
بس بنستنا بالموت..
حق العودة ما بدنا اياه..
وكرت التموين جلدناه..
وصارت وصارت يا "ريس"..
امرك حاضر يا "ريس"..
سلمية الثورة كويس..
ب نشعل شوية شموع..
وبنتصور..
واذا حسينا القصة كبرت ما بنتهور
حاضر امرك يا "ريس"..
سلمية الثورة كويس..
بس بنفسي كلمة صغير..
الك يا "ريس" بحق الجيرة..
لما اثور بعيد الشر احاسب مين..
ولما احس بكسرة ظهر اشكي لمين..
و لما اعصب ولما اجوع..
ولما افكر ولما ادبر ولما يروح وقت ل دموع..
احاسب مين..
اخوي الواقف بالشارع..؟!
يا ريس اخوي منيح
بس شيطان الراتب قبيح..
احكوا "للرئيس"..
المستوطنين قتلوا الولد وحرقوه..
رحمة الله عليك يا شهيد الفجر
